Azərbaycanda ilk Gender Akademiyası təlimi fevralın 21-26 tarixlərində Bakı və Oğuz  şəhərlərində keçiriləcək.

Akademiyanın açılış mərasimi 21 fevral Bakı, Exselcior Otelində baş tutacaq. Açılışda bir neçə səfirliklərin nümayəndələri, Beynəlxalq təşkilatlar, dövlət sektorunun nümayəndələri ,QHT və media nümayəndələri iştirak edəcək. Mərasimdə layihə haqqında təqdimat keçiriləcək, qadınların siyasətdə və ictimai sektorda mövqeləri haqqında məlumatlar veriləcək. Layihənin və xüsusən də Gender Akademiyasının ictimaiyyətdə və dövlət sektorunda qadınların fəaliyyətinə edəcəyi təsirlərdən danışılaçaq.

Fevral ayının 22-dən etibarən isə tədbir Oğuz rayonunda davam etdiriləcək və 30 nəfər (20 nəfər qadın, 10 nəfər kişi) iştirak edəcək. Tədbir boyunca müxtəlif mövzularda bir neçə sessiyalar aparılacaq.

Gender Akademiyası adlı tədbir “ Gənc Liderlər” təlim təhsil inkişaf ictimai birliyinin “Gələcəyə Körpü”Gənclər İctimai Birliyi ilə birgə həyata keçirdiyi “Azərbaycanda vətəndaş iştirakının artırılması üçün Qadın Mərkəzinin yaradılması” layihəsi çərçivəsində həyata keçirilir.

Layihə Birləşmiş Millətlər Təşkilatının Demokratiya Fondu tərəfindən maliyyələşdirilir və 2 il müddətində Azərbaycanda həyata keçiriləcəkdir.

Daha ətraflı məlumat almaq üçün Birliyin ofisinə müraciət edə bilərsiniz.

İctimaiyyətlə Əlaqələr şöbəsi

Sabina Sadıxova

“Təhsil” İdman Mərkəzinin qadın futbol komandaları və Gələcəyə Körpü İctima Birliyinin fan klubunun üzvləri arasında baş tuutan görüşdə ölkəmizdə qadın futbolunun inkişafı, qızlar arasında bu idman növünün təbliğatının gücləndirilməsi əsas müzakirə mövzusu olub. Fan klubun üzvlərinə qadınların idmanda əldə etdiyi naliyyət və uğurlardan danşılıb. Klubun əksər üzvləri xanımlar olduğu üçün onlara qadın futbol bazası haqqında ətraflı məlumat verilib. Fan klubun rəhbəri Mikayıl Əlizadə bildirib ki, fan klub tərəfindən qızlardan ibarət futbol komandası  yaradılacaq.”Bu idman novünün inkişafı üçün gələcəkdə bir sıra layihələr həyata keçriləcək və Bakıda kecirilən 17 yaşlı qızlardan ibarət dünya çempionatına fan klub üzvləri tərəfindən dəstək veriləcək”
“Təhsil” Respublika İdman Mərkəzinin Gəncə filialinının direktoru Xəyal Hacıyev isə öz növbəsində bildirib ki, kütləviliyin təmin olunması məqsədi ilə qadın futbolunun inkişafı və onların idmana olan marağını artırmaq üçün gələcəkdə fan klubla əməkdaşlıq edəcəklər.
Qeyd edək ki, Gələcəyə Körpü İctimai Birliyinin nəzdində fəaliyyət göstərən fan klubun üzvlərinin 70 faizini qadınlar təşkil edir. Onu da bildirək ki,  ölkəmizdə fəaliyyət göstərən qadınlardan ibarət ilk fan klubdu.

Məsul şəxs: Seymur Vəliyev

Gələcəyə Körpü Gənclər İctimai Birliyi

Layihənin əsas məqsədi gənclərin ictimai sektorda aktivliyini artırmaq, lider kimi formalaşmalarına və aktiv vətəndaş cəmiyyətinin qurulmasında rolunu artırmağa yardım etmək, onların sosial, ictimai, könüllülük fəaliyyətlərini gücləndirmək və inkişaf etdirməkdir. Layihə çərçivəsində 18-25 yaş arası gənclərə: İctimai fəaliyyət, advokasi(İctimai maraqların təmsil olunması), liderlik, gender bərabərliyi, məsələnin seçilməsi, strateji planlaşdırma, sosial media, qrant üçün müraciət, layihənin yazılması, büdcənin tərtib edilməsi, layihənin idarəedilməsi, fəaliyyət planı, ünsiyyət (kommunikasiya), ictimai çıxış layihənin qiymətləndirilməsi meyarları mövzularında təlimlər keçiriləcəkdir. Təlimləri uğurla bitirən iştirakçılar sonda sertifikatlarla təltif ediləcək və 4 günlük yay düşərgəsində iştirak hüququ qazanacaqlar. Qeyd edək ki, bu layihə qeyri-formal təhsil üsullarının tətbiqi ilə həyata keçiriləcək.

Ərizə Formasını Yüklə

və yaxud ərizə formasını əldə etmək üçün  yla.bf2012@gmail.com ünvanına müraciət etməyiniz xaiş olunur. Hər bir müraciətçiyə ən qısa zamanda ərizə forması göndəriləcək

Məsul şəxs : Seymur Vəliyev

Beləki Azərbaycan respublikasının prezidenti cənab İlham Əliyevin 07.07.2011 ci il tarixində imzaladığı “Azərbaycan gəncliyi 2011-2015 ci illərdə” Dövlət Proqramının uğurla icrası məqsədilə Gəncədə Beynəlxalq tədbirlərin keçirilməsi davam edir.

Gəncədə Gələcəyə Körpü Gənclər İctimai Birliyi “Dinlər və mədəniyyətlər arası dialoqda gənclərin rolu adlı” beynelxalq təlim kursu həyata keçirir.Yanvarın 22 dən 29 dək həyata keçrilən layihənin əsas məqsədi gənclərimizin benəlxalq əlaqələrini gücləndirmək,ölkəmizin 20 illik müstəqilliyi dövündə keçdiyi ugurlu inkişaf yolu haqda gəncləri məlumatlandırmaq və Azərbaycanımızın necə dini mədəni tolerant bir dövlət oldugunu dünya gənclərinə tanıtmaqdır.
Layihə Gənclər və İdman Nazirliyinin və Avropa komissyasının “Youth in Action” proqramının maliyyə dəstəyi ilə həyata keçrilir.
Layihədə İslam Əməkdaşlıq təşkilatı gənclər Fondu və Avropa mədəniyyətlər arası Fondu da partniyor kimi iştirak edir.
Sözü gedən layihə çərçivəsində təlimlər zamanı qeyri formal təhsil metodları vastəsilə Avropada da din,mədəniyyət və oxşarlıqlar öyrənilir.
Layihədə Almanya,Turkiyə,Litva,Danimarka,İtalya,Birləşmiş Krallıq, Albaniya Bosniya ve Hersoqavina,Makedonya,Rusiya,Ukranya,ve Gürcüstandan olan və ümumilikdə 15 ölkədən 30 nəfər gənc iştirak edir.

Məsul şəxs: Mikayıl Əlizadə

“Gələcəyə Körpü” Gənclər İctimai Birliyi bu il Almanyaya rekord həddə üzvünü göndərəcək.Belə ki,Almanyadan əməkdaşımızın göndərdiyi məktuba əsasən 2012-ci ilin Aprel və May aylarında təşkilatın 10 üzvü Almanyada müxtəlif tədbirlərə qatılmaq imkanı əldə edəcək.Bu tədbirlərdə əsasən təşkilatın daxilində ki,Alman dili kursunun iştirakçıları göndəriləcək.Buda öz növbəsində təşkilatda üzvlər öyrəndikləri Alman dilini birbaşa Almanyada praktika etməklərinə imkan yaradacaq.

Gənc körpüçülər Münxen,Düseldorf,Leipzig,Barleben,Bielefeld şəhərlərində olacaqlar.Hər bir şəhərdə 2 nəfər nümayəndə ilə təmsil olunacaqlar.Təşkilatın üzvləri Almanyada ilk öncə Almanyanın qədim şəhərlərindən biri olan Barleben şəhərinin minillik ad günündə iştirak edəcəklər.İştirak etməklə yanaşı körpüçülər şəhərin ad günündə keçiriləcək olan mədəniyyətlərin tanıdılması mərasimində ölkəmizin sənətkarlıq,milli rəqsləri və eləcədə mahnılarını dünyaya tanıtmaq imkanı əldə edəcəklər.Bunlardan əlavə körpüçülər digər şəhərlərdə “Mədəni oyun festivalında”,”Urban Canvas and Gallery “,”İncəsənətdə yaradıcılığa kömək et” və s. Kimi tədbirlərdə iştirak edəcəklər.

Sonda qeyd edək ki, May ayından sonra yenidən Almanyaya bir çox üzvlərin göndərilməsi nəzərdə tutulub.

Daha ətraflı məlumat üçün Birliyin ofisinə müraciət edə bilərsiniz.

Məsul şəxs:Röyal İsmayılov